Lutf wo ishq mein paye hain ki jee janata hai

Lutf wo ishq mein paye hain ki jee janata hai

ranj bhi itane uthaye hain kio jee janata hai

jo zamane ke sitam hain wo zamana jane

tune dil itane dukhaye hain ki jee janata hai

tum nahi janate ab tak ye tumhare andaz

wo mere dil mein samaye hain ki jee janata hai

inhin qadmon ne tumhare inhin qadmon ke qasam

khak mein itane milaye hain ki jee janata hai

dosti mein teri daraparda hamare dushman

is qadar apne paraye hain ki jee janata hai

Na shab-o-roz hi badle hain na haal acha hai

na shab-o-roz hi badle hain na haal acha hai 

kis barhaman ne kaha tha k ye saal acha hai 

hum k dono ke giriftar rahe, jante hain 

daam duniya se kahin zulf ka jaal acha hai 

main ne poocha tha k akhir ye taghafil kab tak? 

muskurate huwe bole k sawaal acha hai 

dil na mane bhi to aisa hai k gahe gahe 

yar-e-be faiz se halka saa malaal acha hai 

lazatain qurb-o-judai ki hain apni apni 

mustaqil hijar hi acha na wasaal acha hai 

rahwan-e-rah-e-ulfat ka muqadar maloom 

in ka aaghaz hi acha na maal caha hai 

dosto apni jaga par ye haqeeqat hai faraz 

teri ghazlon se kahin tera ghazaal acha hai

Jab Tera Dard Myrey Sath Wafa Karta Hae

Jab Tera Dard Myrey Sath Wafa Karta Hae
Ek Samandar Myri Aankhon Se Baha Karta Hae

Uss Ki Batain Mujey Khushbu Ki Tarah Lagti Hain
Phool Jaisey Koi Sehra Main Khila Karta Hae

Myrey Dost Ki Pehchan Yahi Kaafi Hae
Woh Har Ek Shakhs Ko Daanista Khafa Karta Hae

Aur Tu Koi Sabab Uss Ki Muhabbat Ka Nahi
Baat Itni Hae Kay Woh Muj Se Jafa Karta Hae

Jub Khizan Aai Tu Laut Aaye Ga Woh Bhi Faraz
Woh Baharon Main Zara Kum Mila Karta Hae 

Is se pahale ke bewafa ho jayein

Is se pahale ke bewafa ho jayein 

kyon na aye dost ham juda ho jayein 

tu bhi heere se ban gayaa patthar 

ham bhi kal kya se kya ho jayein 

ham bhi majaburiyion ka uzr karein 

aur kahein aur mubtala ho jayein 

ishq bhi khel hai nasibo'n kaa 

Khaak ho jaayein kimiyaa ho jayein

ab ke gar tu mile to ham tujh se 

aise Lipatein teri qabaa ho jayein 

bandagi ham ne chor di hai 'Faraz'

kya karei'n log jab Khudaa ho jayein 

Aye Mere Dost - (Nazm)

Aye mere dost

Safar ka kaam hai katna

kat hi jaye ga

Waqt ka kaam hai ghuzrna

ghuzar hi jaye ga

magr rastoon per urti dhool

Mazi per pardnay na dena

apni yaad ke mehwar se

Mujhe nikalne na dena

Aye mere dost

Khwaboon ka dais

banana zaroor

magar haqeeqat ka sath

nibhana zaroor

Kal (anay wala) ke liye

Apna aaj barbad na kerna

Kisi ka dil torde ker

Apna ghar abad na kerna

Aye mere dost

Lakh badlay zamana taiwar

Tum kabhi na badlna

Aaj to mein tumharay sath hoon

Mujhe tum kal bhi yaad rakhna

apni yaad mein kahien

mera bhi makan rakhna

Apne ahad aefa kerna

Apne peeman yaad rakhna