Kabhi ruk gae kabhi chal diye kabhi chalte chalte bhatak gae

Kabhi ruk gae kabhi chal diye  kabhi chalte chalte bhatak gae

Yun hi umar saari guzzar di yuun hi zindagi k sitam sahe!

kabhi neend mn kabhi hosh mn,tu jahan mila tujhe dekh kar..

na nazar mili,na zubaan hili,yuun hi sar jhuka k guzar gae

kabhi zulf per,kabhi chashm par,kabhi tere haseen wajood par..

jo pasand they meri kitaab mn,wo shair saare bikhar gae…

mujhe yaad they ,kabhi ek they,magar aj hn hum juda juda..

gham-e-aashiqui tera shukriya,hum kahan kahan se guzar gae

Kaha tum ne mujhe dil se bhula do tum

Kaha tum ne mujhe dil se bhula do tum! 

mita do tum! 

Chalo main maan leta hoon, 

Tumhain main apne is dil se, 

Bhula doon ga mita doon ga! 

Magar ik kam to kar do! 

K darya k kinaron ko kisi surat mila do tum! 

Sitare tor kar la do, 

Ya phir is phool se khushbu juda kar k dikha do tum! 

Suno! tum kar bhi lo aisa! 

Kinare jor bhi lao, 

Sitare tor bhi lao, 

Chaman k sare phoolon se, 

Juda khushbu ko kar bhi do 

Magar main tum ko is dil se mita phir bhi 

nahi sakti... 

Suno! Main marr to sakta hoon! 

Bhula phir bhi nahi sakta

Har baar mujhe Zakham-e-Judai na dia kar

Har baar mujhe Zakham-e-Judai na dia kar

Agr tu mera Nahi to mujhe Dikhai na dia kar

Such Jhoot teri Aankh se ho jata ha Zaahir

Qasme na utha.... Itni Safai na dia kr

Jin Raho pe ik umer tere saath rahi hoon

Jin Raho pe ik umer tere saath rahi hoon,

Kuch roz se wo rastey sunsan bohot hai,

Mil jao kabhi laut k phir ayo na shayad,

Kamzor hoon mai rah mai toofan bohot hai,

Ik tum hi nahi meri judai mai pareshan,

Hum bhi to teri chah mai veeran bohot hai,

Ik tark-e-wafa mai usey kaise bhula doo,

Mujh per abhi us shaks ke ahsan bohot hai,

Bhar aaien na ankhein to mai ik baat bataon,

Ab tujh se bicher jane ke imkaan bohot hai

Wo Kehti hai Suno Jana

Wo Kehti hai Suno Jana

Muhbbat Moom Ka Ghar Hai

Tabish Bad Gumani Ki

Kahin Pighla Na De Ais ko

Main Kehta Hoon

Jis Dil Main Zara B Badgumani Ho

Wahan Kch Or Ho Tu Ho

Muhbbat Ho Nai Sakti

Wo Kehti Hai Sada Aisay He

Kaya tum Muj Ko Chaho Gaye

Keh Main Ais Main Kami Koi Bhi

Gawara Ker Nai Sakti

Main Kehta Hoon

Muhbbat Kaya Hai

Yeh Tum nay shikaya hai

Mujay Tum Say Muhbat K Siwa

Kch b Nai Ata

Wo Kehti Hai

Judai Say Buht Darta Hai Mera Dil

Keh Khud ko Tum Say Hat Ker Dekhna

Mumkin Nai Hai Ab

Main Kehta Hoon

Yahi Khadshay Buht Muj Ko sattay Hain

Mager Sach Hai Muhbbat Main

Judai Saath Chalti Hai

Wo Kehti Hai

Batao Kaya Mere Bin Ji Sako Gaye Tum

Meri Baatien,Meri Yaadien,Meri Ankhien

Bhula Do gaye

Main Kehta hoon

Kabhi Ais Baat per socha nai main nay

ager ik pal ko b sochon tu

saansien ruknay lagti hain

wo kehti hai tumhien muj say

muhbbat ais kader kio hoon

Keh main ik aam si lerki

tumhien kio khas lagti hon

main kehta hoon

kabhi khud ko meri ankhon say tum dekho

meri dewangi kio hoon

yeh khud he jaan jao gi

wo kehti hai

mujay warftgi say dekhtay kio ho

keh main khud ko buht

keemti mehsoos kerti hoon

main kehta hon

Mata-e-jaan buht anmool hoti hai

tumhien jab dekhta hoon zindgi

mehsoos kerta hoon

wo kehti hai mujay alfaz k jugno nai miltay

keh tumhien bata sakon

keh dil main mere

kitni muhbbat hai

main kehta hoon

muhbbat tu Niighaon say jhalkti hai

tumhari khamosi muj say

tumhari baat kerti hai

wo kehti hai

batao na kis ko khonay ser darta ho

batao kon hai wo jisay

yeh musam bulatay hain

Main kehta hoon

yeh meri sheri hai aiena dil ka

zara dekho batao kaya

tumhien ais main nazar aya

wo kehti hai

Atif ji buht baatien banatay ho

mager sach hai yeh baatien

buht he shaad rakhti hain

main kehta hoon

yeh sab baatien yeh fasany ik bhana hain

keh pal kch zindagani k

tumhare saath kat jaien

phir us k baad khamoshi ka

dilkash raqs hota hai

nagihaien bolti hai or

lab khamosh rehtay hain

Ye Kaise Mod Par Le Aayi Hai Judayi Teri

Ye Kaise Mod Par Le Aayi Hai Judayi Teri, 

Ab Maut Maangti Hai Mujhse Tanhayi Meri, 

Main Zaat Ka Wafashaar Hoon Aye Jaan-E-Wafa, 

Meri Galti Ko Na Samajh Bewafai Meri, 

Mere Gunahon Ki Saza Mujh Tak Hi Rehne De, 

Ab Aur Na Dikha Mujhe Ruswai Meri, 

Ye Kaise Mod Par Le Aayi Hai Judai Teri, 

Ab Maut Mangti Hai Mujhse Tanhayi Meri

Is se pahale ke bewafa ho jayein

Is se pahale ke bewafa ho jayein 

kyon na aye dost ham juda ho jayein 

tu bhi heere se ban gayaa patthar 

ham bhi kal kya se kya ho jayein 

ham bhi majaburiyion ka uzr karein 

aur kahein aur mubtala ho jayein 

ishq bhi khel hai nasibo'n kaa 

Khaak ho jaayein kimiyaa ho jayein

ab ke gar tu mile to ham tujh se 

aise Lipatein teri qabaa ho jayein 

bandagi ham ne chor di hai 'Faraz'

kya karei'n log jab Khudaa ho jayein