Such Kaha Tha Usny Urdu Poetry

Haan Yeah Such Hai Ke Mujhe Tum Se Mohabbat Hai

Haan ! yeah such hai ke mujhe tum se mohabbat hai

Yeah bhi such hai ke mein tumhari chahat hoon

Per meri zindagi mein chahtoon ki kami to nahi

Rishte aur bhi hain sirf tum hi nahi

Apni zaat ke is pehloo se aaj milwaoon tumhien

Mein kia hoon, Kaisi hoon, Zara batlaoon tumhien

Mein apni maa'n ke tarbiyat mein dhala sancha hoon

Apne BABA ki umeedoon se pur ik khaka hoon

Apne bhai ki ghairat hoon janti hoon mein

Mujh se hi hai ghar ki izzat manti hoon mein

To behak jaoon mein yeah kabhi mumkin hi nahi!

Ke dil wo bhi rakhte hain

Sirf HUM TUM hi nahi!

Phir Uske Bad Nighahoon Mein Bas Gaya Wo Shakhsh - Ik Shaire

Phir uske bad nighahoon mein bas gaya wo shakhsh

Agar-che hum ne use be-dilli se dekha tha

Meri Mohabbat Ka Naam Kia Hai By Mohsin Naqvi

Yeah Khoob-roo log jinki ankhien

Tumharay ujle badan per chispa'n

Tumharay naqsh-e-qadm ki khushboo mein

Sabt aisay

Bhanwar mein jaisay hina ke pattay

Mein sochta hoon

Ke itni ankhoon ke dairoon mein

Meri Akeeli

Udas ankhoon ki

Hasiyat kia hai?

Meri Wafa ka muqam kia hai?

Meri mohabbat ka naam kia hai?

By Mosin Naqvi

Aye Mere Dost - (Nazm)

Aye mere dost

Safar ka kaam hai katna

kat hi jaye ga

Waqt ka kaam hai ghuzrna

ghuzar hi jaye ga

magr rastoon per urti dhool

Mazi per pardnay na dena

apni yaad ke mehwar se

Mujhe nikalne na dena

Aye mere dost

Khwaboon ka dais

banana zaroor

magar haqeeqat ka sath

nibhana zaroor

Kal (anay wala) ke liye

Apna aaj barbad na kerna

Kisi ka dil torde ker

Apna ghar abad na kerna

Aye mere dost

Lakh badlay zamana taiwar

Tum kabhi na badlna

Aaj to mein tumharay sath hoon

Mujhe tum kal bhi yaad rakhna

apni yaad mein kahien

mera bhi makan rakhna

Apne ahad aefa kerna

Apne peeman yaad rakhna

Aye Larki Suno

Aye Larki suno,

Tumhari dilruba ankhien

Jab sharam se jhukti hain

Tumharay hontoon ki hidat se

Tumharay ghaal ki lali

Mujhe sab kuch batati hai

Tumhien kitni mohabbat hai

Tumhien kis ki zaroorat hai

Magar ik ihsaas hota hai

Rishte kitne bhi sache hoon, Jana hi muqadar hai

Ghardi bhar ki mulaqatien, samjho to ghaneemat hai

Ho Gayee Rukhsat Ghatta Barish Ke Baad

Ho Gayee Rukhsat Ghatta Barish Ke Baad
Ik Diya Jalta Raha Barish Ke Baad

Mairay Behtay Aansoon Ko Dekh Ker
Ro Pari Thandi Hawa Barish Ke Baad

Mairy Tanhaye Ka Daman Thaam Ker
Kuch Udassi Ne Kaha Barish Ke Baad

Yaad Teri Orh Ker Main So Gaya
Khawab Ka Der Khul Gaya Barish Ke Baad

Chand Dekh Ker Badloon Ki Qaid Main
Ik Sitara Ro Deya Barish Ke Baad

Apnay Kachay Ghar Ki Her deewar Per
Naam Tera Likh Deya Barish Ke Baad.

Ik Share

تمہیں میری محبت کی قسم, سچ سچ بتا دینا

گلے میں ڈال کر باہیں , منانا کس سے سیکھا ہے

Eid Card - Eid Special Poetry

...::: Koi Shararat Kerte :::...

Tum Pass Hote to koi shararat kerte

Tujhe le ker bahoon main muhabbat kerte

Dekhtay teri ankhoon main neend ka khumar

Apni khoi hoi neendoon ki shikayat kerte

Teri ankhoon main apna aks dhoondte

Khud se bhi zaida teri chahat kerte

Ik dil hi tha wo bhi uske pass hi tha

Raat bhar jhag ker kis ki hifazat kerte

Tum Apne Khat Me Yoon Lafzon Ka Silsila Rakhna

"Tum Apne Khat Me Yoon Lafzon Ka Silsila Rakhna"


Tum apney khatt me yuun lafzoon ka silsilaa rakhnaa
Har ik lafz ka mafhuum doosra rakhnaa.....

Tumharey lab kii mehek raaz faash kr dey gi
lifaafa bnd na kerna yuun he khula rakhnaa...

Na itna tuut ke miliiye ke dil pe shak guzrey
Khuloos mei bhii zaroori hei faasla rakhnaa.....

Mai zindagii mei kahi'n tum se mil he jaaunga
Magar yeh shart hei bichharney ka hauslaa rakhnaa...

Ye sooz o karb mujhey tajarboon ney bakhshey han
Jalanaa shamaa to daman se faasla rakhnaa


Click here and read more classical poetry

[Classical Poetry] Ulfat Ke Fassanay Ki Naa Baat Karo Ham Say

Ulfat ke fasaane ki na baat karo hum se,

Is dil ko dukhaane ki na baat karo hum se,

Ik aur bhi hae armaan mehboob tumhein dekhoon,

Bekaar bahaane ki na baat karo hum se,

...

Ik chout lagi dil per ik aah ubhar aai,

Yeh zakhm chhupaane ki na baat karo hum se,



Jis dil mein basaaya tha woh torr diya tum ne,

Is ghar ko banaane ki na baat karo hum se,



Kis tarh katey jeewan ab chal na sakein tanha,

Yeh boujh uthaane ki na baat karo hum se,



Kuchh loug khafa haen to roothey hi rahein hum se,

Phir un ko manaane ki na baat karo hum se,



Kyoon lout ke aaey ho jab toot gaya bandhan,

Ab baat barrhaane ki na baat karo hum se....

Click Here And Read More Classical Poetry

Muhabbat kis ko kehtay hain

Muhabbat kis ko kehtay hain
Humien tum ne sikhaya tha
Ibadat kis ko kehtay hain yeah bhi tum ne bataya tha
Mager jab hum muhabat ki kisi wadi main khoye thay
Suhanay khawab mairy jagti Aankhoon main soye thay
Humien tanha kiya tum ne koi awaz tuk na dee
Tumhain dhoondha buhat sapnay sajati mairu AankhooN ne
Buhat khush-fehmian palay
Buhat hi door ja niklay
Jahan se lout anay main
Humien ik umer lagni thi
To us dum ik pal socha!
Ke kion na hum kuch door aur ja batkien
Kisi nayee oor ja niklien
Kisi ke sath phir hum bhi
Khail muhabbat ka phir khailien
Kisi ka torde dien dil hum
Kisi ko soze main dhakelien
Mager mushkil pari hum ko
Ke hum pather nahi balkay dharakta dil hi rakhtay hain

Ho Gayee Rukhsat Ghatta Barish Ke Baad

Ho Gayee Rukhsat Ghatta Barish Ke Baad
Ik Diya Jalta Raha Barish Ke Baad

Mairay Behtay Aansoon Ko Dekh Ker
Ro Pari Thandi Hawa Barish Ke Baad

Mairy Tanhaye Ka Daman Thaam Ker
Kuch Udassi Ne Kaha Barish Ke Baad

Yaad Teri Orh Ker Main So Gaya
Khawab Ka Der Khul Gaya Barish Ke Baad

Chand Dekh Ker Badloon Ki Qaid Main
Ik Sitara Ro Deya Barish Ke Baad

Apnay Kachay Ghar Ki Her deewar Per
Naam Tera Likh Deya Barish Ke Baad.

"MUHABBAT Chorde dee HUM nien"

Abhi jub lout ker phir TUM humaray dur per aye ho
Yeah tum se keh diya kis nien
ke TUM bin reh nahien saktay
ke yeah dukh seh nahien saktay
Chalo yeah maan laitay hain
ke TUM bin HUM buhat roye
kayee ratoon ko na soye
Mager ik baat hai "JANA"
Ke TUM nakam loto gay
Ager TUM jannana chaho
ke aisa kion kiya HUM nien
To sun lo ghor se "JANA"
Purani ik riwayat torde di HUM nien

"MUHABBAT chorde di HUM ne"

"MUHABBAT chorde di HUM ne".

My Favorite Poem

Kaha tha na...
is tarha sotay hoye chorde ke mut jana
mujhe be-shak jaga dena
bata dena

ke tumhain rasta badlna hai
mairy hud se nikalna hai

Tumhain kis baat ka dur tha ??????????
kia main janay nahien daita?
kahien pe qaid ker laita??????

aray pagal muhabbat ki tabiyat main zaberdasti nahien hoti
jisay rasta badlna hai usay rasta badlanay se
jisay hud se nikalna ho usay hud se nikalnay se

na koi rok paya hai na koi rok paye ga

tumhaien kis baat ka dur thaaa???????

mujhe jaga daitay


bus yeah yaad rakhna ae hum dum
ab in jagti Aankhoon main
khuwab tumharay hi bastay hain
in Aankhoon ke ansoonoon main
tumhary yaadoon ke deep
ban ke moom chalaktay hain


bus yaad yeah rakhna ae mairay hum dum
in Aankoon ki roshni ke bujhnay tuk
main intizar ke deep jalaon ga
mairay ghar ke rastay pe
teray qadmoon ki ahat ko sun ke hi jaon ga

apni sansoon ke thumnay tuk
apnay jism ke mernay tuk
tujhe dil main basoonga

bus tera kehlaoon ga

ke sansoon ke thamnay ki wajha bhi sirf yeahi ho gi

"is duniya main na sahi , agli duniya main to mairy ho gi"

Adhi soi , jagi ankhien

Adhi soi , jagi ankhien
khawab se hai8n bojhal ankhien

ager raat gehri hai to kia
raat se gehri veeran ankhien

apnay hum moun se kuch na bolien gay
bayan kerien gi maira haal ankhien

Aisay ! kaisay ? dekh rahien hain
apnoon ki yeah ajnabi ankhien

hum ko ab tuk yaad hai teri
waqat-e-rukhsat wo barhum ankhien

kon poochta hai ab hamara haal
kon dekhay yeah num ankhien

khulay dareechay ab bhi dekhien
kaisy hain yeah pagal ankhien

tere intazar main dekh jana
band hoi tere "RAAZ" ki ankhien

Neelay libas main

neelay libas main janne wo kia lag rahi thi
Chand ne kaha apsara lag rahi thi

badal ne kaha ghata lag rahi thi
Dhanak ne kaha qos-e-qaza lag rahi thi

Sitaroon ne kaha roshni lag rahi thi
pholoon ne kaha kali lag rahi thi

Falak ne kaha Asman lag rahi thi
raat ne kaha kehkashan lag rahi thi

sagir ne kaha bhanwar lag rahi thi
suraj ne kaha saher lag rahi thi

shabnam ne kaha ghulab lag rahi thi
chandni ne kaha mahtab lag rahi thi

hawa ne kaha ehsas lag rahi thi
sham ne kaha khush libas lag rahi thi

subha ne kaha bad-e-saba lag rahi thi
neelay libas main janne wo kia lag rahi thi....

tasawar hi tasawar main jab sochta hoon
main jaa ke wahan puhanchta hoon

hathoon pe hina bhi sajaye hoi hai
lagta hai koi pari ayi hoi hai

wo sitaroon main mahtab lag rahi hai
pholoon main jaisay ghulab lag rahi hai

wo sab se juda aur haseen lag rahi hai
khayaloon main mairay mah-jabeen lag rahi hai

janne kab tasawar ke angan se lout ata hoon
Aur neend ki wadi main puhanch jata hoon

ik Shair(21)

duniya main "Qateel" us sa munafiq nahi koi
Jo zulim to sehta hai baghawat nahi kerta

ik Shair(20)

Aaj se pehlay koi cheez nahi mangi us ne "Raaz"
Aaj mangi to umer bhar ki judai mang li