na shab-o-roz hi badle hain na haal acha hai
kis barhaman ne kaha tha k ye saal acha hai
hum k dono ke giriftar rahe, jante hain
daam duniya se kahin zulf ka jaal acha hai
main ne poocha tha k akhir ye taghafil kab tak?
muskurate huwe bole k sawaal acha hai
dil na mane bhi to aisa hai k gahe gahe
yar-e-be faiz se halka saa malaal acha hai
lazatain qurb-o-judai ki hain apni apni
mustaqil hijar hi acha na wasaal acha hai
rahwan-e-rah-e-ulfat ka muqadar maloom
in ka aaghaz hi acha na maal caha hai
dosto apni jaga par ye haqeeqat hai faraz
teri ghazlon se kahin tera ghazaal acha hai
No comments:
Post a Comment