Usko Fursat Hi Nahi Waqt Nikale Mohsin,
Aise Hote Hain Bhala Chahne Wale Mohsin,
Yaad K Dasht Mein Phirta Hon Main Nange Paon,
Daikh Toh Aa K KAbhi Paon K Chahle Mohsin,
Kho Gayi Subha Ki Ummeed Aur Ab Lagta Hai,
Hum Nahi Hon Gay K Jab Hon Gay Ujale Mohsin,
Khaak Ko Bhi Nahi Pahunche Ga Koi Karbal Ki,
Ab Bhale Aik Jahan Khoon Mein Naha Lay Mohsin,
Main Kahan, Hakim-e-Waqt Kahan, Adal Kahan,
Kion Na Khalqat Ki Zuban Par Lagain Taale Mohsin,
Wo Jo Ik Shakhs Mata-e-Dil-o-Jaan Tha Na Raha,
Ab Bhala Kaun Mere Dard Sambhale Mohsin.
No comments:
Post a Comment