Muhabbat kis ko kehtay hain

Muhabbat kis ko kehtay hain
Humien tum ne sikhaya tha
Ibadat kis ko kehtay hain yeah bhi tum ne bataya tha
Mager jab hum muhabat ki kisi wadi main khoye thay
Suhanay khawab mairy jagti Aankhoon main soye thay
Humien tanha kiya tum ne koi awaz tuk na dee
Tumhain dhoondha buhat sapnay sajati mairu AankhooN ne
Buhat khush-fehmian palay
Buhat hi door ja niklay
Jahan se lout anay main
Humien ik umer lagni thi
To us dum ik pal socha!
Ke kion na hum kuch door aur ja batkien
Kisi nayee oor ja niklien
Kisi ke sath phir hum bhi
Khail muhabbat ka phir khailien
Kisi ka torde dien dil hum
Kisi ko soze main dhakelien
Mager mushkil pari hum ko
Ke hum pather nahi balkay dharakta dil hi rakhtay hain

"MUHABBAT Chorde dee HUM nien"

Abhi jub lout ker phir TUM humaray dur per aye ho
Yeah tum se keh diya kis nien
ke TUM bin reh nahien saktay
ke yeah dukh seh nahien saktay
Chalo yeah maan laitay hain
ke TUM bin HUM buhat roye
kayee ratoon ko na soye
Mager ik baat hai "JANA"
Ke TUM nakam loto gay
Ager TUM jannana chaho
ke aisa kion kiya HUM nien
To sun lo ghor se "JANA"
Purani ik riwayat torde di HUM nien

"MUHABBAT chorde di HUM ne"

"MUHABBAT chorde di HUM ne".

My Favorite Poem

Kaha tha na...
is tarha sotay hoye chorde ke mut jana
mujhe be-shak jaga dena
bata dena

ke tumhain rasta badlna hai
mairy hud se nikalna hai

Tumhain kis baat ka dur tha ??????????
kia main janay nahien daita?
kahien pe qaid ker laita??????

aray pagal muhabbat ki tabiyat main zaberdasti nahien hoti
jisay rasta badlna hai usay rasta badlanay se
jisay hud se nikalna ho usay hud se nikalnay se

na koi rok paya hai na koi rok paye ga

tumhaien kis baat ka dur thaaa???????

mujhe jaga daitay


bus yeah yaad rakhna ae hum dum
ab in jagti Aankhoon main
khuwab tumharay hi bastay hain
in Aankhoon ke ansoonoon main
tumhary yaadoon ke deep
ban ke moom chalaktay hain


bus yaad yeah rakhna ae mairay hum dum
in Aankoon ki roshni ke bujhnay tuk
main intizar ke deep jalaon ga
mairay ghar ke rastay pe
teray qadmoon ki ahat ko sun ke hi jaon ga

apni sansoon ke thumnay tuk
apnay jism ke mernay tuk
tujhe dil main basoonga

bus tera kehlaoon ga

ke sansoon ke thamnay ki wajha bhi sirf yeahi ho gi

"is duniya main na sahi , agli duniya main to mairy ho gi"

muhabbat jhoot hai...!

Chaloo chordo!
Muhabbat jhoot hai ...!
ahed-e-wafa ik shughal hai bekar logoon ka
talab sokhay hoye patoon ka be-ronaq jazeera hai
halsh deemak zada awraq per
boseeda stroon ka Zakheera hai

Chaloo chordo!
ke ab tuk main andeeroon ki
dhamak main sans ki zarboon per
chahat ki bina rukh ker safer kerty rahien hoon
mujhe ehsas hi kab tha
ke tum bhi mousmoon ke sath
apnay pairhun ke rung badlo gay

Chaloo chordo!
maira hona na hona ik barabr hai
tum apnay haal-o-hud ko aiynoon main phir nikhrnay do
tum apni ankh ki basti main phir se ik naya mousam utrnay do
mairay khawaboon ko murnay do

chaloo chordo!
muhabbat jhoot hai...!

Dilber se kehna

Dilber se kehna


Ae!!! hawa sirf dilber se itna kehna
ke hum ne tujhe sochnay, aur khojnay
aur pannay ki sab khawahishoon ko
udassi ki deewaroon main chun diya hai
tujhe payar se dekhnay wali besarat
mehroom ker dien hain hum ne
tujhe pannay ki arzoo ko fana ker diya hai
teri deed ki machalti thi jo khuwahish
use hum ne dil se paray ker diya hai
Qadam jo tere Rastay se zara
baraber bhi na hatatay thay
ab sanam teri rahoon per pardnay nahien hain
tere sheher main ana jana raha
na teri yaad main shub bitana raha
wo haqeeqat rahi na fasana raha
chand jisko tera istara
samjhtay thay hum
us ko dekhay hoye arsa huwa
Ae hawa!!! sirf itna sa dilber se kehna