Ghazal - Neendien Humari Chura Gaya Ik Shaksh

Is Door Ka Insan By Mohsin Naqvi

Na Murawat,

Na Mohabbat,

Na Khaloos Hai Mohsin

Mein To Shirminda Hoon

Is Door Ka Insan Ho Ker

By Mohsin Naqvi

Humdam Ke Liye Humdam Se Gay By Ameer Menai

Humdam ke liye humdam se gay, humdam ki qasam humdam na milla

Marham ke liye marham se gay, marham ki qasam marham na milla

By Ameer Menai

Kabhi Jo Chair Gaye Yaad-e-Raftgaa'n Mohsin By Mohsin Naqvi

Kabhi jo chair gaye yaad-e-raftgaa'n Mohsin

Bikher gaye hain nighahien kahan kahan Mohsin

Hawa ne raakh urdaye to dil ko yaad aya

Ke jal bhujien mere khawab ki bastiyan Mohsin

Kuch aisay ghar bhi mile jin mein ghongtoon ke aewaz

Hoi hain dafn dupatoon mein larkiyan Mohsin

Khandar hai ahd-e-ghasta, na cho na chair ise

Khulien to band na hoon iski khirkiyan Mohsin

Bhujha hai kon sitara ke apni ankh ke sath

Hoye hain saray manzir dhuwan dhuwan Mohsin

Nahi ke us ne ghanwaye hain maah-o-saal apne

Tamam umer katti yoon bhi raigaa'n Mohsin

Mila to aur bhi taqseem ker gaya mujh ko

Smaitna thien jise meri kirchiyan Mohsin

Kahien se us ne bhi torda hai, khud se rabt-e-wafa

Kahien se bhool gaya mein dastaa'n Mohsin

By Mohsin Naqvi

Mera Naam Badal Dena

Aik lafz mohabbat hai, use ker ke dekho tum

Barbad na ho jaoo, to mera naam badal dena

Aik lafz muqadar hai, us se lard ke dekho tum

Haar na jaoo to mera naam badal dena

Aik lafz wafa hai, jo duniya mein nahi milti

Kahien se agar mil jaye to, mera naam badal dena

Aik lafz ansoo hai, use dil mein chupa ker dekho tum

Ankhoon se na beh jaye to, mera naam badal dena

Aik lafz judai hai, use seh ker dekho tum

Toot ker na bikher jaoo to, mera naam badal dena

Safar-e-Ishq

"Safar-e-Ishq"

"Maa'n"

Meri ankhoon se.....

Mut pocho....

Karab ke sumandar ka

Bikherna hai kaisa

Bachpan mein jo sekhaya tha

Guriya ko sajana

Rait se gharwanday banana

Sabar ki char-deewari se

Ansoon se pyar ghondna

Maa'n sab janti ho tum

Meri ankhoon se....

Mut pochoo...

Yaaran Naal Hisab Nai Honde - Baba Bulleh Shah

Pathar zehan gulab nai honde

koray warq kitab nai honde

jay ker laye yaari bhulehaya

fir yaaran naal hisab nai honde

By Baba Bulleh Shah

Aaj Bhi Sham Udas Rahi By Mohsin Naqvi

Aaj bhi tapti dhoop ka sehra

Tere naram laboon ki shabnam

Saye se mehroom raha

Aaj bhi pathar hijer ka lamha, Sadiyoon se bekhawab rutoon ki

Ankhoon ka mehfoom raha

Aaj bhi apne wasal ka tara

Rakh urati shokh shafaq ki mazil se ma'doom raha

Aaj bhi shehar mein pagal dil ko

Teri deed ki Aas rahi

Mudat se ghum-sum tanhye, Aaj bhi mere pass rahi

Aaj bhi sham udas rahi

~!~ By Mohsin Naqvi ~!~

Suno - Urdu Nazam

Suno!

Ab kuch dinoon se haal aisa hai

Koi kitni bhi zilat de

Koi jitni raonut se humien ronday

Bura bilkul nahi lagta

Gilla koi nahi hota

Sakoo'n mehsoos hota

Dua lab se nikalti hai

Tumhien Hum Yaad Kerte Hain

Yeah hum tasleem kerte hain

Tumhien Fursat nahi milti

Humaray waste tumko

Koi sayat nahi milti

Humari soch ke mehwar

Kabhi ik pal to socho tum

Tumhien hum yaad kerte hain

Aur itna yaad kerte hain

Ke khud ko bhool jatay hain

Hawa...!

Hawa....!

Tum janti ho sab

Ke mein ne raat ke pichle pehar

chupke se sari dastaan tum ko sunaye thi

Tumhien to yaad hi ho ga

Tabhi...

Jab ashk meri baat ke raste mein hayal the

Tabhi...

Jab lafz mere durd ki shidat se ghayal the

Meri sochien

Jab uski chaap ke peechay gaien thien to

Hawa tum ne hi mera bheegta pallo sukhaya tha

Hawa tum sun rahi thien na ke jab us ne kaha tha

Muntazar rehna mein Aoon ga

Hawa... Tum to gawa ho ke tan se ab talak

in rastoon se

Meri ankhoon ke diye bhujnay nahi paye

Hawa tum to usi ke rastoon se ho ke aye ho

Hawa....!

Wo aa raha tha na?

Hawa....!

Na the Kuch To Khuda Tha By Mirza Ghalib

Na tha kuch to Khuda tha, Kuch na hota to Khuda hota

Daboya mujhko hone ne na hota mein to kia hota

Huwa jab gham se youn behis to ghum kia sir katnay ka

Na hota gar juda tan se to zanoon per dhara hota

Hoi mudat ke ghalib mar gaya per yaad ata hai

Wo her baat per kehna ke youn hota to kia hota

Mudtoon se Yahi Aalim

Mudtoon se yahi Aalim na tuwaqa na umeed

Dil pukaray hi chala jata hai janna janna

Hum bhi kia sada the, hum ne bhi samjh rakha tha

Ghum-e-dooran se juda hai ghum-e-Janna janna

Ab ke kuch aisi sajhi mehfal-e-yaaran janna

Ser ba rano hai koi ser be-gireeban janna

Her koi apni hi awaz se kanp uthta hai

Her koi apne hi saye se harasaan janna

Jisko dekho wohi zanjeer paa lagta hai

Shehar ka shehar huwa dakhal-e-zindaan janna

Hum ke roothi hoi rut ko bhi manna laitay the

Hum ne dekha hi na tha mousam-e-hijraan janna

Hosh aya to sabhi khawab the reeza reeza

Jaisay urte hoye awraaq parishaan janna

Ab yeah Sochoon to By Mohsin Naqvi

Ab yeah sochoon to bhanwar zahan mein par jatay hain

kaisay chehray hain jo milte hain bichar jatay hain

Kion tere durd ko dien tuhmat-e-weerani-e-dil?

Zalzaloon mein to bharay shehar ujar jatay hain

Mousam-e-durd mein ik dil ko bachaoon kaisay???

Taiz andhi mein to khaimay bhi ukhar jatay hain

Soch ka aaina dhundla ho to phir waqt ke sath

chand chehroon ke khad-o-khaal bigar jatay hain

Shidat-e-ghum mein bhi zinda hoon to hairat kaisi???

Kuch diye tund hawaoon se bhi larde jatay hain

Wo bhi kia log hain "Mohsin" jo wafa ki khatir

Khud Tarasheeda asooloon pe bhi urd jatay hain

Impossible By Wasi Shah

Jitni Duien Ati thien

Sab mang lien hum ne

Jitne wazeefay yaad the saray

ker bethe hain

kai tarah se jee dekha hai

Kai tarah se mar bethe hain

Lekin Janna!!!

Kisi bhi surat

Tum mere ho ker nahi dete!!!

Dua

Mujhe Zindagi ki dua na de

Meri zindagi se bani nahi

Koi zindagi pe kere yakeen

Mujhe zindagi pe yakeen nahi

Bara Dushwaar Hota Hai - Urdu Nazam

Bara dushwaar hota hai

Zara sa faisla kerna

Ke

Jeevan ki kahani ko

Bayan-e-be-zubani ko

kahan se yaad rakhna hai

Kahan se bhool jana hai

kise kitna batana hai

Kis se kitna chupana hai

Kahan ro ro ke hasna hai

Kahan hans hans ke rona hai

Kahan awaz deni hai

Kahan khamosh rehna hai

Kahan rasta badlna hai

Kahan se lout ana hai

Bara dushwaar hota hai

Zara sa faisla kerna

Ab ke yoon Dil Ko Saza Dee Hum Ne

Ab ke yoon Dil Ko Saza Dee Hum Ne

Uski her baat bhula dee hum ne......

Aik Aik Phool buhat yaad aya

Shakh-e-Gul jab jalla dee hum ne

Aaj phir yaad buhat aye wo

Aaj phir uski Dua dee hum ne

Koi to baat us mein bhi hai "Ehsan"

Her Khushi Jis pe lutta dee hum ne

...::: baat ki baat by meer taqi meer :::...

Dare kuch khenchti to kehtay bhi mulaqat ki baat

Milna apna jo huwa us se so wo baat ki baat

Hoti hai agarcha kehnay se yaroo paraye baat

Per hum se to kabhi thami na moun pe aye baat

kehtay thay us se milye to kia kia na kahiye "laik"

Wo aa gaya to samnay na uske aye baat

Hum to hoye hain hum bhi tere dhab se Ashna

Wahan tu ne kuch kaha to idher hum ne paye baat

Aalam Saya khana hai kiska roz-o-shab

yeah shore hai ke deti nahi kuch sunaye baat

Mujh Se Mil Ker

Mujh se bicher ker tere chehray pe ujalay per jaien

sheher ke log humien dekh ker kallay per jaien

main rahoon chup to sabhi cheeck parien wahshat se

main sawalat keroon hontoon pe talay per jaien

main nahi hota to faroon banay phirtay hain

dekh ker mujh ko jinhien jaan ke lallay per jatay hain

Aag per hath dharien raakh uthien wapas

baraf per paoon rkhien paoon main chalay per jaien

durd ki leher koi bhej meri duniya main

is se pehlay ke meri rooh main jallay per jaien

hum jo uljhien to sada buch bachaoo ho jaye

darmyan donoon main kuch chanay walay per jaien

agar kabhi hans de to wo noor dahn se niklay

mand pal bhar main sabhi chand ke halay per jaien