Aa Mere Yar e Qadah Raiz!!

Chand nikla he meri aankh
Mere dil me utare he tujhe
Aa mere yar e qadah raiz
Mera jaam pukare he tujhe


Yunhi tanhai me betha tha
Sar e sham bhulae huey sari dunya
Yunhi ik yad si jag uthi
To lagne lagi pyari dunya


Main to jesa bhi hun khush waqt hun
Kesi he tumhari dunya
Tum ne jis daoun jeeta he
Isi bazi me hari dunya

Aa mere yar e qadah raiz
Mera hath he khali kab se
Mera dil he choor zakhmon se
Meri aankh sawali kab se

Pesh e manzar me ab ajao
Ke hen asnaam khyali kab se
Muntazir haal me bethey huey logon ki tarha
Yun hi bajatey rahen taali kab se

Aa mere yar e qadah raiz
Mera nam he gali kab se!!

More sad urdu poetry

Har Zarra e Ummid Se Khushboo Nikal Aaye!

Har Zarra e Ummid Se Khushboo Nikal Aaye
Tanhaai Ke Sehra Mei Agar Too Nikal Aaye

Kaisa Lagey Iss Baar Agar Mousam e Gull Mei
Titli Ka Badan Orrh Ke Jugnoo Nikal Aaye

Phir Dinn Teri Yaado Ki Munderon Pe Guzra
Phir Shaam Hui Aaankh Se Aansu Nikal Aaye

Be Chen Kiye Rehta Hai Dharka Yahi Jee Ko
Tujh Mei Na Zamaney Ki Koi Khoo Nikal Aaye

Phir Dil Ne Kiya Tark e Taalluk Ka Iraada
Phir Tujh Se Mulaakat Ke Pehloo Nikal Aaye


May you like:
Mai Udaas Rasta Hoon Shaam Ka

Baat Niklay Gi Tou Phir Dour Talak Jaaye Gi!

Baat Niklay Gi Tou Phir Dour Talak Jaaye Gi
Logg Bewaja Udaasi Ka Sabab Poochen Gay
Yeh Bhee Poochen Gay K Tum Itnay Pareshan Kiu Ho
Ungliyan Uttain Gi Sookhay Howe Baalon Ki Taraf
Ek Nazar Dekhain Gay Guzray Howe Saalon Ki Taraf
Choorion Pe Bhee Kayi Tanzz Kiye Jaayen Gay
Kaanptay Haathon Pay Bhee Fikray Kasay Jaayen Gay
Logg Zaalim Hen Har Ik Baat Pay Taana Dain Gay
Baaton Baaton May Mera Zikr Bhee Ley Aayen Gay
Unki Baaton Ka Zara Saa Bhee Assr Mat Layna
Warna Chehray Kay Taassur Say Samajh Jaayen Gay
Chaahy Kuch Bhee Ho Sawaalat Na Karna Unn Say
Merey Baaray Me Koi Baat Na Karna Unn Say
Kiun Kay...,
Baat Niklay Gi Tou....!

Aor Bhi Honge Hazaron Ehel e Dil!

Tuu Ney Pher Thukra Dia Tou Kia Howa!
Zakhm Pher Taaza Howa Tou Kia Howa!

Apney Milan Mei Ek Haan Ki Der Thi!
Tujh Sey Vo Bhi Na Howa Tou Kia Howa!

Eik Saada Dil Tumharey Ishk Mei!
Be - Waja Rusva Howa Tou Kia Howa!

Terey Jaane Se Howa Kuch Tou Nahin!
Dard Agar Ziada Howa Tou Kia Howa!

Jis Ko Chaha Hum Ney Saari Zindagi!
Vo Hamara Na Howa Tou Kia Howa!

Aor Bhi Honge Hazaron Ehel e Dil Ghayal!
Mai Agar Tanha Howa Tou Kia Howa!


More in Urdu Poetry

Kaheen Miley To Ye Usse Kehna!

Kaheen Miley To Ye Usse Kehna!
Ke Tanha Saavan Bitaa Raha Hoon
Mai Saarey Armaan Jala Chuka Hoon
Jo Sholay Bharkey The Khwahisho Ke
Vo Aansu'on Sey Bujha Chuka Hoon!

Kaheen Miley To Ye Usse Kehna!
Ke Chaak Daman Ko Si Raha Hoon
Bari Hi Mushkil Se Ji Raha Hoon
Diya Jo Nafrat Ka Zeher Us Ne
Samajh Ke Amrit Vo Pee Raha Hoon!

Kaheen Miley To Ye Usse Kehna!
Baghaer Us Ke Udaas Hoon Mai
Badalti Rutt Ka Qayyas Hoon Mai
Bujha Dey Apni Mohabbaton Sey
Sulagti Sadii'on Ki Pyaas Hoon Mai

Kaheen Miley To Ye Usse Kehna!
Ke Tanha Saavan Bitaa Raha Hoon!


More in sad urdu poetry

Mohsin Shab e Siyaah Bhi Orhey Huay Hai Aaj

Fasal e Khiraad Hay Rang e Chaman Dekhtey Chalo
Phir Ehtamaam e Daar o Rasan Dekhtey Chalo...


Dilchasp Waqia Hay Ke Sehra Ki Dhoop Mein
Zarron Ka Jal Rha Hay Badan Dekhtey Chalo...


Tanqeed Mat Karo Keh Zamana Kharaab Hay
Chup Chaap Doston Ka Chalan Dekhtey Chalo...


Mohsin Shab e Siyaah Bhi Orhey Huay Hay Aaj
Shaffaf Chandni Ka Kafan Dekhtey Chalo...


More in Urdu Ghazals

Nahi Hai Dosti Jiss Sey!

Mujhe Mehsoos Hota Hai
Lutf E Zindagi Kum Hai

Gham E Dil Hadd Sey Barh Kr Han
Muyassar Ab Khushi Kum Hai

Musalsall Dil Ki BeChaini Ko
Kiya Kehtey Han Dil Waley

Tumhen Maloom Ho Shayd
Mujhe To Aagahi Kum Hai

Ab Iss Ke Baad Jism o Jaan Ko Bhi
Jalaney Se Kiya Haasil

Charaghon Me Lahu Jalta Hai
Phir Bhi Roshni Kum Hai

Jisey Bhi Dost Samjha!
Dushman e Jaan Wo Thehra!

Nahi Hai Dosti Jiss Sey
Usi Sey Dushmani Kum Hai!


Filed in sad poetry sms

Us Ke Aane Ki Khabar Sunte Hi!

Us Ke Aane Ki Khabar Sunte Hi Tayyari Ki
Maine Jee Bhar Ke Gulaabon Ki Kharidari Ki

Halat e Hijr Me Filhaal Sukoon Milney Laga
Nasha e Dard Ne Awaz Nahi Bhaari Ki

Warna Ye Logg Mujhe Tum Se Juda Kr Dete
Maine Daanista Mohabbat Me Adakari Ki

Ishq Me Mera Bhi Deewangi Maslak Hai
Maine Iss Waaste Majnu Ki Tarafdari Ki

Phool Khiltey Hi Koi Bichhra Hua Yaad Aya
Maine Khoshi Ke Mousam Me Ashkbari Ki


Filed in Sad Poetry SMS

2 Aansoo, 2 Phool !

Meri Saans Tum Se Juri Hai, Kab Aoge?
Labon Pe Jaan Hai Or Kitna Tarpao Ge?

Mere Bin Chaen Nahi Mile Ga Tumhe
Mujhe Chorr Kar Tum Bhi Pachtao Ge

Jaata Waqt Nahi Thehrta Kisi Ke Lye
Aakhir Kab Tak Mujhe Aazmao Ge

2 Aansoo, 2 Phool Meri Qabar Pe Charha Dena
Shayad Itna Hi Tum Mere Lye Kar Pao Ge


Filed in Sad Poetry SMS

Dil Me Ek Dard Badastoor!

Dil Mei Ek Dard Badastoor Gawara Karna
Itna Aasan Nahin Yaadon Pe Guzara Karna

Jaan Deni Hay Tere Ishq Mei Hai Yaad Mujhe
Bhool Hi Jaon Agar Mai To Ishara Karna

Kaisey Kar Lenge Kahin Or Bata Pyar Hai Ye
Shughal Hota To Mumkin Tha Dobara Karna

Wuss'aten Or Na Raaton Ke Andhere Ki Barhen
Tum Sar e Sham Na Zulfon Ko Sanwara Karna

Aqal To Sochti Hai Tark e Wafa Ki Baaten
Dil Ye Kehta Hai Isse Tum Na Khudara Karna


Filed in Urdu Ghazals

Andaaz Tumharey Jesa Tha

Baarish Ki In Boondon Ne, Jab Dastak Di Darwazey Pr
YuuN Lagaa Tum Aye Ho, 'Andaaz Tumharey Jesa Tha'

Hawaa Ke Halkey Jhonkey Ne, Jab Aahat Ki Thi Khirki Pr
Mehsoos Hua Tum Chaltay Ho, 'Andaaz Tumharey Jesa Tha'

Mai Ne Jab In Boondon Ko, Tapkaya Apnay Haathon Pr
Ek Sard Sa Yuun Ehsas Hua, 'Wo Lams Tumharey Jesa Tha'

Mai Tanhaa Chala Jab Baarish Mei, Ek Jhonke Ne Mera Saath Dia
Mai Samjah Tum Ho Saath Mere, 'Ehsaas Tumharey Jesa Tha'

Phir Ruk Gai Wo Baarish Bhi, aur Rahi Na Baaki Aahat Bhi
Mai Samjha Tum Mujhe Chorr Gaye, 'Andaaz Tumharey Jesa Tha'


More Sad Ghazals