Uski Chahat Ka Bharam Kia Rakhna

Uski Chahat Ka Bharam Kia Rakhna..??

Dasht-e-Hijraan Mein Qadam Kia Rakhna..??

Apnay Jaisa Koi Milta Hi Nahe...!!

Aankh Mein Dolat-e-Ghum Kia Rakhna..??

Baat Chup Reh Kar Bhi Hoo Sakti Hay..!!

Paas Qirtaas-o-Qalam Kia Rakhna...??

Aaoo Kashkool Ko Nelaam Karein..!!

Qarz-e-Arbaab-e-Karam Kia Rakhna..??

Fikar-e-Araish-e-Maqtal Mein Rahoo..!!

Mehr-o-Mezaaan-e-Alam Kia Rakhna..??

Uski Yadoon Ko Ghanimat Janoo...!!

Is Ta'luq Ko Toa Kam Kia Rakhna...??

Hans Bhi Lena Kabi Khud Per Mohsin..!!

Har Garhi Aankh Ko Numm Kia Rakhna..??

Kabhi Jo Cheirr Gai Yaad'e'Raftagan Mohsin

Kabhi Jo Cheirr Gai Yaad'e'Raftagan Mohsin!

Bikher Gai Hain Nigahein Kahan Kahan Mohsin !

Hawa Ne Raakh Urayee To Dil Ko Yaad Aaya....

K Jal Bujhain Mere Khawabon Ke Bastiyaan Mohsin !

Kuch Aisay Gher B Mile Jin Main Ghonghaton K Aawaz..

Hoi Hain Dafan Dopaton Main Larkiyaan Mohsin......!

Khun'der Hai Ehud'e'Guzishta Na Chu Na Chair Esay.....

Khulain To Band Na Hoon Is Ki Khirkiyaan Mohsin...!

Bujha Hai Kaun Sitara K Apni Aankh K Sath....

Howey Hain Sare Manazir Dhowan Dhowan Mohsin...!

Nahi Keh Us Say Ganwa Hain Maah'o'Saal Apne....!!

Tamam Umer Kati Yun Bhe Ra'ye'gaan Mohsin....!

Mila To Aur Bhe Taqseem Ker Gaya Mujh Ko....!!!

Sameetna Then Jisay Meri Kirche'yaan Mohsin.....!

Kahe Say Us Nay B Tora Hai Khud Say Rabt'e'Wafa

Kahe Say Bhool Gaya Main B Dastaan !Mohsin!...!!!

Woh Jiski Deed Mein Laakhoun Masarratein Pinhaan

Woh Jiski Deed Mein Laakhoun Masarratein Pinhaan

Woh Husn Jiski Tamanna Mein Jannat Pinhaan

Hazaar Fitney Tah E Paa E Naaz Khaak E Nasheen

Har Eik Nigaah Khumar E Shabaab Se Rangeen

Shabaab Jis Se Takhaiyul Pe Bijliyaan Barsein

Waqaar Jiski Rafaqat Kou Shokhiyaan Tarsey

Ada E Laghzisheiy Paa Par Qyamatein Qurbaan

Bayaz E Rukh Sey Sahar Ki Sabahatein Qurbaan

Siyaah Zulfoun Mein Badaaon Sa Nikhatoun Ka Hujoom

Taweel Raatoun Ki Khwabeedah Raahatoun Ka Hujoom

Vo Aankh Jiski Banaun Pe Khaliq Dey Raae

Zabaan Shair Kou Tareef Kartey Sharmaae

Gudaaz Jism Qaba Jispe Saj Ke Naaz Karey

Daraaz Qad Jisey Sarw E Sahi Namaz Karey

Kisi Zamaney Mein Is Rah Guzar Sey Guzraa Thaa

Ba Sad Guroor O Tajammul Idhar Sey Guzraa Thaa

Aur Ab Ye Raah Guzar Bhi Hai Dilfareb O Haseen

Hai Uski Khaak Mein Kaife Sharab E Sair Makeen

Hawa Mein Shokhi E Raftaar Ki Addaen Hain

Faza Mein Narmi E Guftaar Ki Sadaen Hain

Garaz Vo Husn Is Raah Ka Juzu E Manzar Hai

Neyaaz E Ishq Kou Eik Sajda Gaah Maiyassar Hai

ZINDGI​

Aisi lagi udaas sar-E-shaam ​

ZINDGI​

Jaise kisi ki aankh ka ilzam ​

"ZINDGI"​

Apny jahan mein dekha teray baad kuch nahi,

Hum ne laga di aaj tery naam ​

"ZINDGI"​

Jis k bina ye saans mujhe DooBti lagi,

Ja k ussy bhi DhoonD kisi shaam ​

"ZINDGI"​

Ye piyaar dard na ban saky jis k nashy mein,

Mujhko pila de aaj wohi jaam ​

"ZINDGI"​

Ab doston k haath mery haath main nahi,

Girny laga hon aaj mujhe thaam ​

"ZINDGI"

Hamesha Sath Mein Rehne Ki

Hamesha Sath Mein Rehne Ki

 Aadat Kuch Nahi Hoti,

 Jo Lamhe Mil Gaye Jee Lo

 Riyazat Kuch Nahi Hoti, 

 Kai Rishton Ko Jab Parkha 

Nateeja Aik Hi Nikla,

 Zaroorat Hi Sabhi Kuch Hai

 Mohabbat Kuch Nahi Hoti,

 Kisi Ne Chor Kar Jana Ho 

To Phir Chor Jata Hai 

 Bicharna Ho To Sadion Ki

 Rafaqat Kuch Nahi Hoti, 

 Ta'luq Toot Jaye To

 Safeene Doob Jate Hain, 

 Ye Sab Kehne Ki Batain Hain 

 Haqeeqat Kuch Nahi Hoti.....!

Awesome Mix Poetry

Main Sojaon Tou Khuwabun Mein Ho Tum

Main Sojaon Tou Khuwabun Mein Ho Tum

Main Jagun Tou Mery Khayalon Mein Ho Tum,

Main Nazar Uthaon Tou Meri Aankhun Mein Ho Tum

Main Chalun Tou Meri Manzilon Mein Ho Tum,

Main Likhun Tou Mery Kaghazon Mein Ho Tum

Main Parhun Tou Meri Ghazlon Mein Ho Tum,

Main Gungunaon Tou Mera Geet Ho Tum

Main Sunaon Tou Meri Daastan Ho Tum,

Main Dhoop Mein Hun Tou Mera Saibaan Ho Tum

Main Raat Mein Hun Tou Mera Sahar Ho Tum,

Main Sochun Tou Mera Khayal Ho Tum

Main Mangun Tou Meri Dua Ho Tum