hum ne us ke naram honton ko

Woh Jiski Deed Mein Laakhoun Masarratein Pinhaan

Woh Jiski Deed Mein Laakhoun Masarratein Pinhaan

Woh Husn Jiski Tamanna Mein Jannat Pinhaan

Hazaar Fitney Tah E Paa E Naaz Khaak E Nasheen

Har Eik Nigaah Khumar E Shabaab Se Rangeen

Shabaab Jis Se Takhaiyul Pe Bijliyaan Barsein

Waqaar Jiski Rafaqat Kou Shokhiyaan Tarsey

Ada E Laghzisheiy Paa Par Qyamatein Qurbaan

Bayaz E Rukh Sey Sahar Ki Sabahatein Qurbaan

Siyaah Zulfoun Mein Badaaon Sa Nikhatoun Ka Hujoom

Taweel Raatoun Ki Khwabeedah Raahatoun Ka Hujoom

Vo Aankh Jiski Banaun Pe Khaliq Dey Raae

Zabaan Shair Kou Tareef Kartey Sharmaae

Gudaaz Jism Qaba Jispe Saj Ke Naaz Karey

Daraaz Qad Jisey Sarw E Sahi Namaz Karey

Kisi Zamaney Mein Is Rah Guzar Sey Guzraa Thaa

Ba Sad Guroor O Tajammul Idhar Sey Guzraa Thaa

Aur Ab Ye Raah Guzar Bhi Hai Dilfareb O Haseen

Hai Uski Khaak Mein Kaife Sharab E Sair Makeen

Hawa Mein Shokhi E Raftaar Ki Addaen Hain

Faza Mein Narmi E Guftaar Ki Sadaen Hain

Garaz Vo Husn Is Raah Ka Juzu E Manzar Hai

Neyaaz E Ishq Kou Eik Sajda Gaah Maiyassar Hai

Udas Karna Udas hona

Udas Karna Udas hona

Na Door rehna na paas hona

Woh aahaton ka sunai dena

Aur Mujhko Tera qayaas hona

Acha lagta hai Tujh se milna

Mujhko Tera Libas hona

Main Aankhon Ankhon mein sab kahon ga

Tum kuch Ishara Shanas hona

Meri yaadon se baatain krna

Jab kabhi Tum Udas hona..!!! 

Is des ki mitti sonay ki

Is des ki mitti sonay ki

Is des kay darya chandi kay

Is des ka mosam khushboo hai

Is des mein such aazadi kay

Yeh des mera mehboob mera

Yahan buta buta phul khilay

Yahan qaryah qaryah gulshan hai

Yahan darya darya noor hai

Yahan zarrah zarrah roshan hai

Yeh des mera mehboob mera

Yeh des hai meray logon ka

Yeh dharti meray apnon ki

Yeh des hai tarah aankhon ka

Yeh dharti meray sapnon ki

Yeh des mera mehboob mera

Mohabbat ki aseeri se rehayi mangtay rehna

Mohabbat ki aseeri se rehayi mangtay rehna
Buhut asaan nahiin hota judayi mangtay rehna

Zara sa ishq karlena zara si aankh bhar lena
Phir us kay baab main saari khudayi maangtay rehna

Kabhi mehroom honton per dua ka hurf rakh dena
Kabhi wehshat main uski narsayi mangtay rehna

Wafaon kay tasalsal se mohabbat ruth jaati hai
Kahaani main zara si bay wafayi mangtay rehna

Ajab hai wehshat-e-jaan bhi kay adat ho gayi dil ki
Sukoot-e-sham-e-ghum se hum navayi mangtay rehna

Kabhi bachay ka nanhe haath per titli kay per rakhna
Kabhi phir us kay rangon say rehayi mangtay rehna

Jab tujhko paata hai

Jab tujhko paata hai
Dil muskurata hai
Kya tujh se hai waasta
Kya tujh me dhoondu main
Kya tujh se chaahu main
Kya kya hai tujhme mera
Jaanu na main tujhme mera hissa hai kya
Par ajnabi apna mujhe tu lagaa..

Main khud zameen mera zarf aasmaan ka hai

Main khud zameen mera zarf aasmaan ka hai
Ke toot kar bhi mera hosla chittan ka hai,

Bura na maan meray Hurf-o-Lafz zehar sahi,
Main kia karoon ke yehi zaiqa zubaan ka hai,

Meri sanjeedgi mash'hoor hai zamanay mein,
Meri khamoshi bhi pehlu meray baaan ka hai,

Har aik ghar pe musallat hai dil ki veerani,
Tamaam shehr pe saaya meray makaan ka hai,

Bichar ke us say main sirf is ly nhi bikharta,
Wo keh gaya tha yehi waqt Imtehaan ka hai.

Jo ham mehsoos kartay hain

Jo ham mehsoos kartay hain
agar tum tak pohonch jaye

To bass itna samajh lena
ye un jazbon ki khushboo hai

Jinhay ham keh nahi saktay...
magar tum jo ijazat do...!

To chand lafzon may keh daaloon.......
K
tum bin marr to saktay hain
Tum bin jee nai saktay..

Mohabbat Dukh Nahi Deti

Mohabbat Dukh Nahi Deti
Agar Be-gharz Ho Jazba

Agar Manzil baney Rasta
Agar Chahat k Pardey Main

Koi Lalach Na Ho Lipta
Agar Tum Sonp Do Sab Kuch

Silay Main Kuch Na Maango
Agar Sauda Na Ho Koi

Mohabbat Bas Mohabbat Ho
Tu Phir Yea Sukh He Deti Hae

Kabhi Dukh Nahi Deti
Mohabbat Dukh Nahi Deti

kabhi kisi bam k kinare

kabhi kisi bam k kinare
ugre huye per k sahare
mujhe mili hain wo mast ankhen
jo dil k patal main utar kar
gaye dinon ki gufa main jhonk

kabhi kisi ajnabi nagar main
kisi akele udas ghar main
parirukhon ki hasin sabhayen
koi bahar-e-gurez payen

kabhi sar-e-rah sar-e-ku
kabhi pas-e-dar kabhi lab-e-ju
mujhe mili hain wahi nigahen
jo ek lamhe ki dosti main
hazar baton ko kahna chahen

Tum Aarzoo K Diye Jala K

Tum Aarzoo K Diye Jala K

Khuda Se Achi Umeed Rakhna

Khizan K Mosam Ki Rukhsati Pe

Bahar-e-Gul Ki Naveed Rakhna

Wo Tera RUB Hai, Wo Tera Apna

Usi Ko Apna HABIB Rakhna

Usi Se Karna Tu Dil Ki Baaten

Tu Aankh May EK Nami Si Rakhna

Wo Tera RUB Hai, Wo Tera Apna

Usi Se Raaz-o-Niaz Rakhna

Usi Se Gham Ki Kahani Kehna

Ghamon Ko Dil May Nihan Na Rakhna

RAHEEM Hai Wo, KAREEM Hai Wo

Tu RUB Ko Apne Aziz Rakhna

Hai Saans Se Bhi Qareeb Tar Wo

Usi Ko Apne Kareeb Rakhna

Kasam Di Thi Tumne Mujhko

Kasam Di Thi Tumne Mujhko, 

Juda Karo gae Na Mujhse Khudko, 

Jab Mana Tha Tumne Apna, 

Toda Phir Mera Kyon Sapna, 

Tumko Thi Mujhse Mohabbat, 

Kyon Sama Gayi Phir Tum Mein Nafrat, 

Yaadein Hain Dil Mein Uthti, 

Mujhko Hain Bechain Rakhti, 

Tumse Nahi Ab Shikwa, 

Nata Ye Mujhse Bikhra, 

Aaj Zindagi Ne Roop Hi Badla, 

Meri Soch, Adat, Mera Mazaj Hi Badla, 

Bas Aaj Ek Baat Kehne Do, 

Mohabbat Ko Ab Tanha Rehne Do, 

Mohabbat Ko Ab Tanha Rehne Do, 

Aaj Ye Baat Kehne Do

Yahe Zindagi ka asol Hy

Yahe Zindagi ka asol Hy 

jo nahe mila usse bhool ja 

jo mila he usse dil se laga k rak 

jo nahe mila usse bhool ja 

na wo dhoop ta na wo chandni 

na charagh ta na wo roshni' 

wo khayal ta koye khawab ta

wo ta ayena usse bhool ja 

wo jo tere dil k kareeb ta 

USSE BHOOL JA USSE BHOOL JA

Kuch aise ghao bhi hote hain

Kuch aise ghao bhi hote hain 

Jinhen zakhmi ap nahi dhote

Bin roye huye ansuon ki tarah 

Sine main chupa ke rakhte hain

Aur sari umr nahi rote

Ninden bhi muhaiya hoti hain

Sapne bhi dur nahi hote

Kyun phir bhi jagte rahte hain

Kyun sari rat nahi sote

Ab kis se kahen ai jan-e-vafa

Ye ahal-e-vafa kis ag main jalte rahte hain

Kyun bujh ke rakh nahi hote

apna har dard dil main daba kr chalo

apna har dard dil main daba kr chalo

band palkon main aansu chhupa kr chalo

jis ne kholi zuban wohi mujhrim yahan

apne honton pe taly laga kr chalo

kon hai ab yahan apna ghum ashna

apne ghum ko he apna bana kr chalo

dil to jalta hai is aatish e ishq main

hosla hai to dil ko jala kr chalo

zabt e ghum chahiy mehfil e saz main

muskura kr chalo gunguna kr chalo

ab huy khuwab sar ko jhukane k din

hai haqiqat yehe sar utha kr chalo

barha de chuky hain jo aansu tumhen

ik dafa to unhen bhi rula k chalo

wo jo kehty hain aashi k hain bawafa

kia huwa jo unhen aazma kr chalo

kaar-e-duniya main kuch ae dil nahin behtar tu bhi

kaar-e-duniya main kuch ae dil nahin behtar tu bhi

koocha-e-ishq se chun laya hai kankar tu bhi

jab talak baam-e-falak par hai, sitara tu hai

aur agar toot ke gir jaye tau pathar tu bhi

ye qanaa’t bhi muhabbat ki ataa hai warna

shehr main aur buhat, aik gadager tu bhi

mere andazay se kuch barh ke thi zalim duniya

paaon rakh rah-e-tamanna pe sanbhal ker tu bhi

ajnabi lagta hai kiyun aalam-e-bedaari mujhay

kahin rehta hai mere khwaab ke andar tu bhi

main usi morr pe manzil ki talab chorr aai

ho liya jab se mere saath safar per tu bhi

main kiran war shab-e-mah main tujh per utri

mauj der mauj utha ban ke samander tu bhi

mangna bhool gai main tau tamanna ka sila

do jahan saamnay phailay thay baraber tu bhi

Aj main bohat udas tha

Aj main bohat udas tha

Apna na koi pass tha

Yadian ! kuch ayeen thiin

Anso b sath Layi thin

Lehrain uthee thii Kuch ghum ki

Alam bebasi Ka Kuch youn tha

Kashmakash hai samandar main

Ghum tanhai k azab main

Muhabbaton k sarab main

Awaz mairy apno ki

Ghunjhati mairy kano main

Sawal un ki ankho main

Jwab mairy ansoo main

Mousam-e-Dil bohat kharab tha

Aj Main Bohat udas Tha !

Apna na koi Pass Tha !!!!

us sham wo rukhsat ka saman yad rahega

us sham wo rukhsat ka saman yad rahega

wo shahar wo kucha wo makan yad rahega

wo tis k ubhri thi idhar yad rahegi

wo dard k utha tha yahan yad rahega

ham shauq k shole ki lapak bhul jayenge

wo shama-e-fasurda ka dhuan yad rahega

kuch mir k abyat the kuch faiz k misre

ik dard ka tha jin main bayan yad rahega

jan bakhsh si thi us gulbarg ki tarawat

wo lams-e-aziz-e-do-jahan yad rahega

ham bhul sak hain na tujhe bhul saknge

tu yad rahega hamen han yad rahega

chal diye uth k su-e-shahar-e-wafa ku-e-habib

chal diye uth k su-e-shahar-e-wafa ku-e-habib

puch lena tha kisi khak basar se pehle

ishq pehle bhi kiya hijr ka gam bhi dekha

itne tarpe hain na ghabraye na tarse pehle

ji bahalta hi nahin ab koi saat koi pal

rat dhalti hi nahin char pahar se pehle

ham kisi dar pe na thithak na kahin dastak di

saikaron dar the meri jan tere dar se pehle

chand se ankh mili ji ka ujala jaga

ham ko so bar hui subah sahar se pehle

Bujhnay lag jain to phr shamaiN jala di jaiN

Bujhnay lag jain to phr shamaiN jala di jaiN

Meri aankhaiN me're dushman ko laga di jaiN

Be-hunr loog kahaN, harf ki sachai kahaN

Ab kitabain kisi darya main baha di jain

Un ki pehchaan ka dukh jaaN se guzr jata hai

Ye shabeehaiN sar-e-Aaina ganwa di jaiN

Ab bicharnay ka saleeqa hai na milnay ka hunr

Ishq main tuhmataiN aaiN to bhula di jaiN

Ya to khursheed chamakta rahay peshaani main

Ya lakeeraiN me'ry mathy ki mitta di jaiN

Kitni bholi huwi batain hamain aaj us ki 

Yaad aai hain to ab us ko bata di jaiN.....