teri yaadon ki ulfat

humain ahbab ki lambi qitaron se nhi matlab

Kaise Sukoon Paun Tujhe Dekhne Ke Baad

Kaise Sukoon Paun Tujhe Dekhne Ke Baad,

Ab Kya Gazal Sunaun Tujhe Dekhne Ke Baad,

Aawaz De Rahi Hai Meri Zindagi Mujhe,

Jaun Main Ya Na Jaun Tujhe Dekhne Ke Baad,

Kaabe Ka Ehtaraam Bhi Meri Nazar Mein Hai,

Sar Kis Taraf Jhukaun Tujhe Dekhne Ke Baad,

Teri Nigah-E-Mast Ne Deewana Kar Diya Hai,

Kya Maikade Ko Jaun Tujhe Dekhne Ke Baad,

Nazron Mein Taab-E-Deed Hi BaaQi Nahi Rahi,

Kisse Nazar Milaun Tujhe Dekhne Ke Baad...

Kabhi Jo Cheirr Gai Yaad'e'Raftagan Mohsin

Kabhi Jo Cheirr Gai Yaad'e'Raftagan Mohsin!

Bikher Gai Hain Nigahein Kahan Kahan Mohsin !

Hawa Ne Raakh Urayee To Dil Ko Yaad Aaya....

K Jal Bujhain Mere Khawabon Ke Bastiyaan Mohsin !

Kuch Aisay Gher B Mile Jin Main Ghonghaton K Aawaz..

Hoi Hain Dafan Dopaton Main Larkiyaan Mohsin......!

Khun'der Hai Ehud'e'Guzishta Na Chu Na Chair Esay.....

Khulain To Band Na Hoon Is Ki Khirkiyaan Mohsin...!

Bujha Hai Kaun Sitara K Apni Aankh K Sath....

Howey Hain Sare Manazir Dhowan Dhowan Mohsin...!

Nahi Keh Us Say Ganwa Hain Maah'o'Saal Apne....!!

Tamam Umer Kati Yun Bhe Ra'ye'gaan Mohsin....!

Mila To Aur Bhe Taqseem Ker Gaya Mujh Ko....!!!

Sameetna Then Jisay Meri Kirche'yaan Mohsin.....!

Kahe Say Us Nay B Tora Hai Khud Say Rabt'e'Wafa

Kahe Say Bhool Gaya Main B Dastaan !Mohsin!...!!!

Hamesha Sath Mein Rehne Ki

Hamesha Sath Mein Rehne Ki

 Aadat Kuch Nahi Hoti,

 Jo Lamhe Mil Gaye Jee Lo

 Riyazat Kuch Nahi Hoti, 

 Kai Rishton Ko Jab Parkha 

Nateeja Aik Hi Nikla,

 Zaroorat Hi Sabhi Kuch Hai

 Mohabbat Kuch Nahi Hoti,

 Kisi Ne Chor Kar Jana Ho 

To Phir Chor Jata Hai 

 Bicharna Ho To Sadion Ki

 Rafaqat Kuch Nahi Hoti, 

 Ta'luq Toot Jaye To

 Safeene Doob Jate Hain, 

 Ye Sab Kehne Ki Batain Hain 

 Haqeeqat Kuch Nahi Hoti.....!

Main Sojaon Tou Khuwabun Mein Ho Tum

Main Sojaon Tou Khuwabun Mein Ho Tum

Main Jagun Tou Mery Khayalon Mein Ho Tum,

Main Nazar Uthaon Tou Meri Aankhun Mein Ho Tum

Main Chalun Tou Meri Manzilon Mein Ho Tum,

Main Likhun Tou Mery Kaghazon Mein Ho Tum

Main Parhun Tou Meri Ghazlon Mein Ho Tum,

Main Gungunaon Tou Mera Geet Ho Tum

Main Sunaon Tou Meri Daastan Ho Tum,

Main Dhoop Mein Hun Tou Mera Saibaan Ho Tum

Main Raat Mein Hun Tou Mera Sahar Ho Tum,

Main Sochun Tou Mera Khayal Ho Tum

Main Mangun Tou Meri Dua Ho Tum

Kya bohat zaroori hai?

Kya bohat zaroori hai?

Khawb posh ankhon mein,

Aansuon ka bhar jana?

Hasrton se saahil par,

Titliyon ka mar jana?

Habss ki hawaaon mein,

Khushbuyon ka dar jana?

Dil ke garam sehraa main,

Hashar hi barpaa hona?

Dard la’dawaa hona ?

Kya bohat zaroori hai?

Humein khabar hai

Humein khabar hai
Tamaam dukh hai
Yeh zindaagi ko jo aasmaano ki wasaaton say
Hazaar sadiyon se mil raha hai
Piyaam dukh hai

Jo karzaar-e-zawaal-e-hasti ko
Dhoop chauon ki aahaton se chal raha hai
Nizaam-e-dukh hai..

Seher tu ikn mukhtasir sag hum hai
Tauveel din ki havailiyon kay
Jo raaston main thair gayi hain..
Who sham dukh hai..

Who shaam dukh hai
Kay iski shay per kayi dino se
Musaafiran-e-abad ka aisay firaaq asaar raaston per
Safar tu khair ik ulmiya hai
Qayaam dukh hai

Yeh as dukh hai‚niraas dukh hai
Udaasiyon ka libaas dukh hai

Yeh tashangi jo azaab ban kart hair gaayi hai
Badan kay boseedah saahilon per
Tu uska ahd-e-dawaam dukh hai
Yeh shor karti hawa ka sara kharaam dukh hai
Humein khabar hai
Tyamaam dukh hai

Yeh tum mohabbat nibahtay ho
Tu us mohabbat ka naam dukh hai
Yeh wasal mausam jo ik musalsal mughalta hai
Tu us rifaaqat ka naam dukh hai
Aur aisi wehshat numaan fiza main
Khamosh rehna bhi ik saza hai
Magar kisi se kalaam dukh hai

Humein khabar hai
Tamaam dukh hai

Sabhi jazbay badaltay ja rahay hain

Sabhi jazbay badaltay ja rahay hain
Kay jaisay khawab martay ja rahay hain

Koi dil kay liye dil kay makin ko
Nazar andaaz kartay ja rahay hain

Jo dil ka haal hai dil jaanta hai
Bazahir tu sambhaltay ja rahay hain

Chalay tu hain tumharay sheher say hum
Kaaf-e-afsos maltay ja rahay hain

Kabhi jin main guroor-e-tazgi tha
Who khado khaal dhaltay ja rahay hain

Jahan yaad k deep jalty hon
Or shaam k saaye dhalty hon

"Jab pyar kisi ka yaad aaye
Or zikar kisi k chalty hon

"Ankhon mein ansoo bhar aayn
Or ashk na tum se rukty hon

"Tab un logon ko yaad karo
jo pyar tum he se karty hon

"Jo tum bin jee na sakte hon
Or tum par DIL se marty hon

"Us manzil ko kya pana
jahan apny tuj se jalty hon

"Is dunya mein ab kya jena
"Jahan pal pal log bdalty hon

suno iltija hai itni

suno iltija hai itni
jab meri sansain
mera jism choor dain
jab aankhain weeran ho jain
jab main thak jaoon or gir jaoon
jab main tumhein pukaroon
or aawaz na day paoon jab mujhay jana ho
lootna hoo apnay khuda kay pass
aisay lamhay tum aajana ik
lamhay kay liye hi per dua kay liye
hath uthana meri sard
paishani pay apna hath rakhna
taasuf say sir hilana phir
mairay jinazay ko kandha daina
or apni dunia say door choor aana
bus sirf in chand lamhoon ka sakoon meri
zaindagi pay tumhara ehsan ho ga
kay tumhare hathoon  ka
 lams kaber main bhi mujh say juda na ho ga

Meri pagal mohabbat tumhein yaad aye gi,
Jab Chaand Sitare chamak rahey hOn....
Jab Yaadon k Phool Mehak rahey hon...,
Jab Deed ko Nain taras rahey hon...,
Jab Aankhon se Aansoo baras rahey hon...,

Meri Pagal Mohabbat Tumhein Yaad aayegi...,

Jab Tanhai se Dil Ghabraye ga...,
Jab Tumhein Akela-Pan Satayega...,
Jab koi Khuwab hi nahi ayega...,
Jab Phool Kitab mai hi reh jayega...,

Meri Pagal Mohabbat Tumhein Yaad ayegi

Aye kaash k Aisa ho jae

Aye kaash k Aisa ho jae,

Jise chaha Tum Ne har lamha,

Jise socha Tum Ne har lamha,

Wo shakhs Tmhara ho jae,

Tum jis se Mohabbat krty ho,

Jise deikh k jeety Mrty ho,

Jise kho dainy Se drty ho,

Wo shakhs Tmhara ho jae,

Wo jis ki yaadon Mein kho kr,

Tum Waqt Guzara krty ho,

Wo jis ki baton Mein kho kr,

Khud Se B kinara krty ho

En Tanha Tanha Raaton Mein

Tum jis ko pukara krty ho

Wo shakhs Tmhara ho jae ♥

Tum Bin Meri Zaat Adhuri

Tum Bin Meri Zaat Adhuri
Jaisey Koi Baat Aduri

Hijr ke Sarey Din Hain Poorey
Lekin Hai Har Raat Adhuri

Lafzon ki Gehrai Mein Jhanko
Samjho na Har Baat Adhuri

Nam Aankhen or Sookhi Palkein
Hoti Hai Barsaat Adhuri

Mujh Se...
Mujh Ko...
Cheen Gaye Tum
Reh Gai Meri Zaat Adhuri.

Wo lamha jo mera tha

Wo lamha jo mera tha

Ik din

Tum ne muj se kaha tha

Dhoop kari hai

Apna saya sath he rakhna

Waqat k tarkash main jo teer thay khul ker barsay hain

Zard hawa k pathrilay jhonko se

Jism ka panchi gayal hai

Dhoop ka jangal payas ka dariya

Aysay main anso aik aik bond ki

Insan tarsy hain

Tum ne muj se kaha tha

Samay ki bahti nadi main

Lamhay ki pahcha bhi rakhna

Meray dil main jhak k dekho

Dekho sato rang ka phol khila

Wo lamha jo mera tha wo mera hai

Waqat k payqa bay shak tan per an lagay

Dekho is lamhay se kitna gehra rishta hai

Khushbo band darechay khol rahi hai

Chandni rato sa mosan bhi

Kaliyan bhi hain shaban bhi

Ye sub meray ayinay hain

Our her ayinay main tum ho!

na ravaa kahiye na sazaa kahiye

na ravaa kahiye na sazaa kahiye

kahiye kahiye mujhe buraa kahiye

dil me.n rakhane kii baat hai Gam-e-ishq

is ko hargiz na barmalaa kahiye

vi mujhe qatl kar ke kahate hai.n

maanataa hii na thaa ye kyaa kahiye

aa ga_ii aap ko masihaa_ii

marane vaalo ko marhabaa kahiye

hosh u.Dane lage raqiibo.n ke

"Daag" ko aur bevafaa kahiye

Jab bhi wo shakhs

Jab bhi wo shakhs “WASI” mujhse khafa ho jaye,

Aik sunami mery seeny mai bapa hojay,

Dil mai phir kuch nahi hoga khalaon k siwa,

To kisi roz ager mujhse juda hojaye.

Wo buht rakhta hai chahat ki tamazan ka hisab,

Wo to aik sajda na bakhshy jo qaza ho jaye,

Thapkian de ker sulati hain teri yaaden hamen,

Neend jis raat bhi hum se khafa ho jaye,

Ye taqaza hai muhabbat ki ibadat ka “WASI”

Usko chuU leny se aik rukn adaa ho jaye

Bikhar rahi hai meri zaat use kehna

Bikhar rahi hai meri zaat use kehna
Kabhi mile to ye baat use kehna

Wo sath tha to zamana tha humsafar mera
Magar ab koi nahi mere sath use kehna

Use kehna ke bin us ke din nahi katta
Sisak sisak ke katti hai raat use kehna

Use pukarun ke khud hi pohunch jaun us ke paas
Nahi rahe wo halaat use kehna

Agar wo phir bhi na laute to ae meherbaa'n qasid
Hamari zeest ke halaat use kehna

Haar jeet us ke naam kar rahai hoon
Manati hoon apni haar use kehna