Hijar ka naag to pathar ghayal kar deta hai...

Hijar ka naag to pathar ghayal kar deta hai,

Sonay jese shakhss ko peetal kar deta hai,

Mere ishq mein shayed koi kami huyi ho,

Tera hussn to ab bhi paagal kar deta hai,

Aesi lazzat kahin nahin milti, shayed woh,

Apna pyaar bhi chaaye mein hall kar deta hai,

Dil mera veeran hua to hasrat kesi,

Hijar ka zeher to daryaa ko thall kar deta hai,

Mujh ziddi ko rab bhi raazi na kar paye,

Lekin teri aankh ka kaajal kar deta hai,

Tere lamss ka jadu bhi kesa jadu hai,

Jiss ko chuu le us ko sandal kar deta hai,

Tera chahra har chehre per chaa jata hai,

Yeh manzar har manzar aujhal kar deta hai,

Aankh ke registaa’n ko teri yaad ka badal,

Chuu jaye to pal mein jal’thall kar deta hai.

Na tumhey hosh rahey...

Na tumhey hosh rahey or na mujhey hosh rahey,

Is qadar toot kay chaaho mujhey pagal kar do...!

Yeh mohabbat bhi kya rog ha Faraz

Yeh mohabbat bhi kya rog ha Faraz,

Jisey bhooley woh sadaaa yaad aaya.!

Har shakhs nahin hota har shakhss ke kabil

Har shakhs nahin hota har shakhss ke kabil,

Har shakhs ko apne liye socha nahin kartey.!

Qissa Abhi hijab se agey nahi barha..

Qissa abbi hijaab se agey nahi barha,

Main ap, abhi janab se agey nahi barha,

Lekin mein pehle baab se agey nahi barha..

Muddat hui kitaab-e-mohabbat shuru kiye,

Hum bhi hon ge...

Hum bhi hon ge ap ke dil mein magar,

Magar ik bhoolay huye qissay ki tarah,

Kabhi jo na baant pao ge dard to yaad aonga,

Hum tum jo they aik jism ke hissay ki tarah.!

Khushi k geet gaaney ko

Khushi ke geet gaaney ko zara si baat kaafi hai,

Naseeb-e-gham bhulaaney ko zara si baat kaafi hai,

Ghareeb-e-sheher ke ghar udaasi laakh rehti ho,

Magar hansne hasaaney ko zara si baat kaafi hai..!

Zindagi khaak na thi

Zindagi khaak na thi, khaak urratey guzri,

Tujhse kya kehtey tere pass jo Aatey guzri,

Din jo guzraa to kisi ki yaad mein guzra,

Shaam ayi to koi khawb dikhatey guzri.!