ajnabI ek baat yaad rakhna

SunO 

ajnabI ek baat yaad rakhna 

raasty lakh haseen hO 

musafir lOt aty hen 

jab manzilen rOoth jaen tOu 

tum bhi lOt ana 

nazrOn me intizar k lahmy 

liye kOyi betha hy 

sunO anjabi tum lOt ana 

k tum bin kOyi adhOra hy 

na ab kOyi swera hy 

sUnO ajnabi tum lOt ana

Jo Rishtey Dil se jurte hain inhain tora nahi karte

Jo Rishtey Dil se jurte hain inhain tora nahi karte

Kisi ka saath Raste mai kabhi chora nahi karte

Kahin is se Tumhare haath hi zakhmi na ho jayein

Jo Toote Aaina to phir ise jora nahi karte

Koi Toofan Teri Kishti ko Garq-e-Aab na karde

Kabhi Biphri hoi Mojon ka Rukh mora nahi karte

Tijarat ke usulon per Mohabbat ki nahi jati

Muhabbat mai kabhi Jazbaat ka Souda nahi karte

Sitam karna Mohabbat per, yeh hai Adat zamane ki

Zamane ke sitam per Hum yeh Dil tora nahi karte

Muhabbat ke usulon mai, yehi pehla usool apna

Ke Hum apni Mohabbat ko kabhi Ruswa nahi karte..!!

itni mudat bad mile ho!

itni mudat bad mile ho!

Kin sochun me gum phirte ho?

itne khayaf kyn rehte ho?

har aahat se dar jate ho

tez hawa ne muj se pucha

reat pe kia likhte rehte ho?

kaash koi hum se bhi puche

raat gae tak kyn jage ho?

me darya se bhi darta hun

tum darya se bhi ghehre ho

konsi bat hai tum me esi,

itne ache kyn lagte ho?

usay kehna

Aankhein tanha ho jaati hain

Aankhein tanha ho jaati hain
Dard ka sehra ho jaati hain

Dil ka kya hai dil ki baatein
Aksar ruswaa ho jaati hain

Tu hota hai laiken shaamein
Kaisay tanha ho jaati hain

Teray bin yeh chandni raatein
Ghum ka naksha ho jaati hain

Asal ki janib laut kay akhir
Naslein ik ja ho jaati hain

Kyun har baar safar ki shamein
Tera chehra ho jaati hain

Ye Safar Nahi Azaab Hai

Ye Safar Nahi Azaab Hai,

Yahan Her Kisi Pe Naqaab Hai,

Yahan Bad-Gumaani Ka Raaj Hai,

Yahan Be-Wafaai Rivaaj Hai,

Abhi Hosh Khoney K Din Nahi,

Abhi Tere Roney K Din Nahi,

ABHI WAQT HAI INHEY CHORR JA,

Abhi Saari Nagri Andhair Hai,

Abhi Din Nikalne Main Dair Hai,

Abhi Bahaar-e-Ishq Main Na Utar,

Abhi Shehar Sara Hai Be-Khabar,

ABHI WAQT HAI INHEY
CHHOR JA,

ABHI WAQT HAI INHEY
CHHOR JA…!!!

Wo dilawar jo siah shab k shikari nikle

Wo dilawar jo siah shab k shikari nikle
Wo b charhte hue sooraj k poojari nikle

Sab K hontoon pe mere baad hain batein meri
Mere dushman mere lafzon k bhikari nikle

Ik janaza utha maqtal se ajab shaan k sath
Jese saj kar kisi fateh ki sawari nikle

Behte ashkon se shuaoon ki sabelein photen
Chubhte zakhmon se fan-e-naqsh nigari nikle

Hum ko har doar ki gardish ne salami di hai
Hum wo pathar hain jo har doar main bhari nikle

Aks koi ho khad-o-khaal tumhare dekhon
Bazm koi ho magar baat tumhari nikle

Apne Dushman se main be-waja khafa tha
Mere qatil to mere apne hawari nikle

Woh apne ghar chala gaya afsos mat karo

Woh apne ghar chala gaya afsos mat karo
Itna hi us ka saath tha afsos mat karo

Insaan apne aap main majboor hai bohat
Koi nahi hai bewafa afsos mat karo

Is baar tum ko aane main kuch dair ho gayi
Thak haar ke woh sogaya afsos mat karo

Duniya main aur Chahne wale bhi hain bohat
Jo hona tha so hogaya afsos mat karo

Is Zindagi ke mujh pe kayi qarz hain magar
Main jald laut aoongi afsos mat karo

Yeh dekho phir se aagayin Phoolon pe titliyan
Ek roz woh bhi aayega afsos mat karo

Woh tum se aaj door hai kal paas ayega
Phir se ALLAH milayega afsos mat karo

Bekaar gee pe bojh liye phir rahe ho tum
Dil hai tumhara Phool sa afsos mat karo...

Raqs min jugnu, duaon ka safar

Raqs min jugnu, duaon ka safar.
Neem shab ki khamoshi or chasham-e-tar.

Phir teri yadon ki qandilen jalin.
Jagmaga utha mera phir khwab ghar.

Har taraf hen barzakhon k munh khule….
Zindagi he ya koi andhi qabar….

Din dhale ye kanpti chiryon ka shor.
Kat gira hoga koi burha shajar.

Min bhatakti rooh hon or char soo.
Rat, tanhai, hawa, anjan nagar

Tum Se Zaroori Baat Kerni Hay

Suno

Tum Se Zaroori Baat Kerni Hay

Samandar K Kinary Par

Chaly Aao Bahany Say

Mujhy Tum Par Bhrosa Hay

Tumhain Mujh Par Bharosa Hay

Mujhy Tum Se Mohabbat Hay

Tumhain Mujh Se Mohabbat Hay

Magar Yeh Bhi Haqeeqat Hay

Hamary Darmiyan Jab B

Milny Ki Baat Hoti Hay

Kabhi Main Taal Deta Hun

Kabhi Tum Rooth Jaty Ho

Hai Aisa Is Lye Shayad

Tumhain Main Paa Nahi Sakta

Mujhe Tum Kho Nahi Skty

Chalo Phir Aaj Hum Dono

Ker leya hai faisla kehna ussay

Ker leya hai faisla kehna ussay 

Ab na hoga rabta kehna ussay

Jis pe hum chalte rahen hain SAATH SAATH 

Kho gaya woh Rasta kehna ussay

Teri YAADEN dil se rukhsat ho gain 

Ho chuka yeh saneha kehna ussay 

Ab na dekhay ga tumhara rasta 

Dil ko main samjha chuka kehna ussay 

Chain se sone na dega Ghum tujhe 

Raat bher ab jagna kehna ussay 

Aashna ban ker na milna raah main 

"Dosti ek KHUWAB tha kehna ussay....

Youn teri tammana mere dil ko dukhaati rahi 
jab bhi muskuraana chahaa aankh bhar aati rahi 

umeedon ne banaa-banna ke tode mere khwaab 
baharon mein dil ki kali khil ke murjhaati rahi.... 

thar-rati rahi ye sard palken garm ashqon se.... 
aag paani se mil ke dhuven khoob udaati rahi 

na milaa koi saharaa hi na thaama kisi ne haath 
zindagi kadam-kadam pe thokaren khaati rahi... 

ab kuch nahin hai baaki unki chaahat ke sivaa 
aise gaye hain voh ke dil ki har khushi jaati rahi 

honth to dekhe mere tune muskuraate ae sanam 
zara dekh leta aankh bhi jo ashq bahaati rahi 

vo khaa kar gaya tha kasmein ise bhuul jaane ki.n 
"Kamal" ko phir bhi uski yaad kyon aati rahi...?

Kitnay parwanay jalay raaz yeh panay ke liye

Kitnay parwanay jalay raaz yeh panay ke liye,

Shama jalnay ke liye hai ya jalanay ke liye.

Ronay walay tujhe ronay ka saliqa bhi nahi,

Ashq peenay ke leye hain ya bahanay ke liye.

Aaj keh donga shab-e gham ki shararat un say,

Roz aa jati hai kambakht satanay ke liye.

Mujh ko maloom tha aap aingay merey ghar lakin,

Khud chala aya hoon main yaad dilanay ke liye

bichra hay jo aik baar to miltay nahi dekha

bichra hay jo aik baar to miltay nahi dekha
is zakham ko hum nay kabhi siltay nahi dekha

aik baar jisay chaat gai dhoop ki khwahish
phir shakh pay us phool ko khiltay nahi dekha

yak lakht gira hay to jarain tak nikal aain
jis pair ko aandhi main bhi hiltay nahi dekha

kanton main ghiray phool ko choom aaigi lakin
titli kay paron ko kabhi chubtay nahi dekha

kis tarah meri rooh hari kargaya aakhir
wo zahar jissay jism main khiltay nahi dekha,