Kabhi Rim Jhim Kabhi Garmi Kabhi Saaya Mujh Mein

Kabhi Rim Jhim Kabhi Garmi Kabhi Saaya Mujh Mein

Janay Kiyon Ek Sa Mausum Nahi Rehta Mujh Mein,

Warna Duniya To Nahi Rakhti Kisi Par Bhi Nazar

Hai Meri Jaan Koi Dilchasp Tamasha Mujh Mein,

Jis Ka Sangam Meri Aankhein Hain Meri Palkein Hain

Behta Rehta Hai Musalsal Koi Darya Mujh Mein,

Apni Hi Zaat Mein Mehsoor Hua Betha Hon

Bhaag Janay Ka Nahi Koi Bhi Rasta Mujh Mein,

Main Khilonon Say Behalnay Pay Qana'at Karta

Kaash Rehta Mera Bachpan Hi Hamesha Mujh Mein. 

raah aasaan ho ga_ii hogii

raah aasaan ho ga_ii hogii

jaan pahachaan ho ga_ii hogii

phir palaT kar nigaah nahii.n aa_ii

tujh pe qurabaa.N ho ga_ii hogii

terii zulfo.n ko chhe.Datii thii sabaa

Khud pareshaa.N ho ga_ii hogii

maut se tere dard_mando.n kii

mushkil aasaan ho ga_ii hogii

un se bhii chhiin loge yaad apanii

jin kaa imaan ho ga_ii hogii

dil kii taskiin puuchhate hai.n aap

haa.N merii jaan ho ga_ii hogii

marane vaalo pe ’Saif’ hairat kyo.n

maut aasaan ho ga_ii hogii ....!!!

yun mujhay kab talak sahogay tum

yun mujhay kab talak sahogay tum

kab talak mubtala rahogay tum

dard-mandi ki mat saza pao

ab tau tum mujh se tang aa jao

mein koi markaz-e-hayat nahin

wajah-e-takhleeq-e-kainaat nahin

mera har charah-gar nidhaal hua

yani’ mein kia hua wabaal hua

Jaun gham k hujoom se niklay

aur janaaza bhi dhoom se niklay

aur janazey mein ho yeh shor-e-hazeen

aaj woh mar gaya jo tha he nahin

Hawa ko awara kehne walon

Hawa ko awara kehne walon
Kabhi tu socho kabhi tu likho
Hawayein kyun apni manzilon se bhatak gayi hain
Na unki aankhon main khawab koi
Na khawb main intezaar koi

Ab unkay saaray safar main subhay yaqeen koi
Na shaam-e-sada aitbar koi
Na unki apni zameen koi na aasman per koi sitarah
Na koi mausam na khushboo ka istaara
Na roshni ki lakeer koi na unka apna safer koi
Jo unkay dukh per kitaab likhay
Musafirat ka azaab likhay
Hawa ko awaara kehnay walon
kabhi tu socho!