Agar ham khawab ho jaate

Agar ham khawab ho jaate

To kis ne aa k kehna tha,

k tum tabeer ban jao,meri taqdeer ban jao,

aagar ham phool ban jaate,

tumhein yun aasmaan k in sitaron mein

chamakna kaisa lagta hai?

tumhein yak'dam kisi kacche se aangan

mein,

utarna kaisa lagta hai,

agar khushbu hamara naam ho jata,

to kis ne aa ka kahna tha,

hawaon par koi pagham likh jao,

hamare naam likh jao,

fana ko choo k bhi tum ko,

baqa ka yeh hunar kis ne sikhaya hai?

tumhein bekhud bnane ka, saleeqa

kese aaya hai?

tumhein phoolon k seene mein, mehakna

kaisa lagta hai,

magar ham kuch nahi janaan!

kahan khushbu ki soorat hein,

kahan ham phool jese hein,

kahan hein chaand ka partoy,

k ham to dhool jese hein

mitti taqdeer jesehein, faqat ham heer

jese hein

ko’ii mujhko meraa bharpuur saraapaa laa de

ko’ii mujhko meraa bharpuur saraapaa laa de

mere baazuu merii aaNkheN meraa chehraa laa de

aisaa dariyaa jo kisii aur samandar meN gire

is se behtar hai ke mujhko meraa sehraa laa de

nayaa mausam merii biinaa’ii ko tasliim nahiiN

merii aaNkhoN ko vohii Khvaab puraanaa laa de

kuch nahiiN chaahiye tujhse merii umr-e-ravaaN

meraa bachpan mere jugnuu merii guRiyaa laa de

kashtii-e-jaaN to bhanvar meN hai ka’ii barsoN se

ai Khudaa ab to Dubo de yaa kinaaraa laa de

Aisa toota hai tamanaon ka pindaar k bus

Aisa toota hai tamanaon ka pindaar k bus !
Dil ne jhailay hain mohabbat mein wo azaar k bus !

Ek lamhay mein zamanay mere hathon se gaye !
Es qadar taiz hui waqt ki raftaar k bus !

Tu kabhi rakh k humein dekh to bazaar k beech !
Es tarha toot k aaein gay kharidaar k bus !

Kal bhi sadiyon ki musaafat pe kharray they donon !
Darmiyaan aaj bhi parti hai wo deewar k bus !

Ye to ek zid hai k Mohsin main shikayat na kerun !
Warna shikway to hain etnay mere yaar k bus !

Wusat-e-Chasham-e-Tar Bhi Dekhain Gay

Wusat-e-Chasham-e-Tar Bhi Dekhain Gay
Hum Tujhe Bhool Kar Bhi Dekhain Gay

Zakham Par Na Jama Apne Lab
Zakham Ko Charagar Bhi Dekhain Gay

Hijjer Ki Shab Se Hoslay Apne
Bach Gay To Sehar Bhi Dekhain Gay

Raat Hone Do Log To Sone Do
Chand Ko Dar Badar Bhi Dekhain Gay

Ik Dua Dil Se Chup Kar Mangi Thi
Uss Dua Ka Asar Bhi Dekhain Gay

Chair Kar Dil Ki Rakh Ko Mohsin
Ab K Hum Raqs-e-Sharrar Bhi Dekhain Gay

Nazar jab tum se milti hai

Nazar jab tum se milti hai,
main khud ko bhool jata hoon,

Bas ek dhadkan dhadakti hai,
main khud ko bhol jata hoon,

Tumhein milne se pehle main,
bohat sajta sanwarti hoon,

Magar jab tum sanwartay ho,
main khud ko bhool jata hoon,

Main aksar kitabon pe
tera hi nam likhta hoon,

Magar kuch tum jo likhte ho,
main khud ko bhool jata hoon,

Main aksar ye hi kehta hoon,
main tum se pyar karti hoon,

Magar jab tum ye kehte hoon,
mai duniya bhool jata hoon